شعرترکی:آیریلیق

 

آیـریلیــق،آیـریلیـــق اولارمیـــش؛چتیـــــــن

نــــه دن بئلـــه اولمـــــوش؛رازی خلقتیـــن!؟

بــوگـــون سنـی یورســا بیر آغیـــر هیجـــران

منــه ده پـــای دوشـدو؛ سنین حســرتـین!!

 

آیـریلیـــق،آیـریلیـــق آرتیـــــــرار؛غمیـــــــــم

دالینجــا گلیـردیــــم،غـــرق اولـــدو گمیـــــم

!"آی" دان دوغولسان دا،"آی" تک اولسان دا

"گونـش"دن یـارانمیـش؛منیـــم عالمیـــــم

 

آیـریلیــق،آیـریلیـــق پـــای دوشــــدو،بیــــــزه

سینــه ده بوغولمــوش هـای دوشــدو،بیــــزه

هامی یا پای دوشسـه،بیــر یـاشیــل بـاغچــا

بنـدلـــری ییخیلمیـش چــای دوشـــدو بیـــزه

 

آیـریلیــق،آیـریلیـــق سنــی یــورمـــــاســــا؟

قانینـی سولوک تـک زامــــان سورمـــاســــا

آختــاریـپ،تـاپـــــارام اینـــــان سئـوگیلیــــــم

هـر گـلـــن بـو یـاشـــدا تـوهـمت وورمـاســـا

 

آیـریلیــق،آیـریلیـــق سینــــه نـــی یــــــارار

بیـــرینـی سـوســـدوروب،بیــرینــی یـــــورار

مثــــل دیــــر:"محـبت اولارمیــش گــــــوزده"

یورغـونلــوق،خستـه لیـک ایلگی نی قیـــرار

آیـریلیــق،آیـریلیـــق چتیـــن بیـــر سینـــــاق

بـو دلـی کونلومـــــه اولارســـــان قـونــــاق

سوزومــوز اولســـا دا سـوســــاریق بلکــــه

 اوز بــه اوز اوتـــوروب،گـــوز ـ گــــوزه؛دوراق

 

آیـریلیــق،آیـریلیــــق سـولــدورســــا سنـــی

اینتیــظار چـــولونـــــده اولـــدورســـــه؛منــی

گـوزلــری نین اوستــه سـاخـلارســـان آنجـــاق

قبـــریـمین اوستــونـــــه گـلـیب ـ گئــده نی

 

غزل خداحافظی

گفتی تو هم به مجلس اغیار می‌روی

اغیار خود منم تو پی یار می‌روی

بی خار نیست گرچه گلی در جهان ولی

حیف از تو گل که خود عقب خار می‌روی

ای نو عروس پرده‌نشین خم شراب

گفتم که خود به‌خانه‌ی خمّار می‌روی

احرام بسته‌ای و حرامت نمی‌کنم

دل داری و به کعبه‌ی دلدار می‌روی

باری خیال خود به پرستاریم گذار

ای ناطبیب کز سر بیمار می‌روی

یعقوب بینوا نه چو جانت عزیز داشت؟

آخر چه یوسفی که به بازار می‌روی

این بار غم کمرشکن است، ای دل از خدا

یاری طلب که زیر چنین بار می‌روی

گیرم مسیح آیت و منصور رایتی

ای دل نگفتمت که سر دار می‌روی

این آخرین غزل به خداحافظی بخوان

ای بلبل خزان که ز گلزار می‌روی

دیگر میا که وعده‌ی دیدار ما به حشر

آن هم اگر به وعده‌ی دیدار می‌روی

دنبال توست آه دل زار شهریار

آهسته رو که سخت دل آزار می‌روی

شاعر: استاد شهریار

چند بایاتی

عزیزیم گونده من

کولگده سن ، گونده من

ایلده قوربان بیر اولار

سنه قوربان گونده من

 

-----

 

سو گلدی داشا دیدی

کیپریکلر قاشا دیدی

بی وفا یار یولوندا

گول عومروم باشا دیدی

 

-----

 

عزیزیم وار دردیم

یوخ درمانیم، وار دردیم

خار اکنلر گول دردی

من گول اکدیم،خار دردیم

کئچدی باهار- ی عؤمروموز

                                 اوستاد غلامرضا مجدفر

کئچدی باهار- ی عؤمروموز، ایت کوره‌دن کئچن کیمین

گئن کوره‌دن هاساند اوْلار، دار کوره‌دن کئچن کیمین

 

بئل بوکولوب، قوُلاق باتیب، گؤز ده دوشوبدو چوُققورا

کوند اوْراغیله خسته‌جان، گونده بیچین بیچن کیمین

 

دیشی دوشن قاری - قوْجا، انگی‌ده توُتمورو غذا

سن‌کی حالین بیلنمه‌سن، دیشلی یئییب، ایچن کیمین

 

ایپ قیریلیب، نه‌جان چیخیر، جان ییغیشیب بوْغازینا

داس- ی اجل ده کسمیری، دوْغرور دویون آچان کیمین

 

بال و پرین یوْلوب فلک، یوْخدو توان - ی پروازی

نه دوشورو دوشن کیمی، نه اوُچورو اوُچان کیمین

 

بیر بئله دردلی کیمسه‌نین دردینی هاممی آنلاماز

دار دیبینه دوشن بیلر، بندی آچیب، قاچان کیمین

 

جوخه -‌ی تیره باغلانان، یاخشی قانار تیرین دادین

قلبینه گوللـه‌لر دییب، قیرمیزی گول ساچان کیمین

 

جامیده زهر شوکران، راه - ی نجات باغلانیب

واخت قوُتاریب، چاتیب زامان، مجبور اوْلوب ایچن کیمین

 

یوک- یاپی باغلا کاروان، ایندیجه سسله‌نر جرس

یئیلاقی ترک ائدیب کؤچک، ائل اوْبادان کؤچن کیمین

 

ای کی بوُ نازلی دونیادا، نعمت ایچینده اوینوسان

سئچمه‌یه مایل اوْلما چوْخ، سئچمه‌لینی سئچن کیمین. 

یاواش- یاواش

 شعر:تورک اوغلو

یاواش- یاواش

عاشیغام اؤلدورمه انصافین اولسون

آلساندا جانیمی آل یاواش- یاواش

گل اوتور یانیمدا یانیر اوره‌ییم

قولونو بوینوما سال یاواش- یاواش

گل چیخاق چمنی سئیر ائد‌ک قوشا

اغیارین اوره‌یی چیرپیلسین داشا

من سرو قدینه ائدیم تاماشا

سنده اؤز سازینی چال یاواش- یاواش

سئومیشم گلنده سنی، بولاقدان

عطرینی آلارام گؤرسم اوزاقدان

گل باسیم باغریما اؤپوم یاناقدان

سوروشسون باشیندان شال یاواش- یاواش

«تورک اوغلو» سئویله‌ییر دوشدوم دیللره

منی مجنون ائدیب سالدین چؤل‌لره

سئوگیلیم قولاق آس بونیسگیل‌لره

دوشدو اوره‌ییمه خال یاواش- یاواش

شعر"جمالیندیر نگاریستان" از نظامی گنجوی

منیم ای نازلی دلداریم، منیم ای دردیمه درمان

 

منیم ای دولتیم، واریم، باغیشلا، گئچ گناهیمدان

 

سالاندا سن منی بنده، یاخینلیق اولماسا سنده

 

اگر قانیمی توکسنده، یولومدان دونمرم بیر آن

 

شیریندیر لبلرین دلبر، او گول رخسارینی گوستر

 

یازیق کونلوم سنی ایستر، منی الدن سالیر هجران

 

جمالین پرده یه سالما، بو عاشیقدن اوزاق قالم

 

اگوزومدن انتقام آلما، منی قویما بئله حیران

 

بدخشان لعلی سنسن یار، اوزون یاقوت کیمی پارلار

 

سنون حسنونده دیر گلزار، جمالیندیر نگارستان

 

منیم چین لیلی، عمر انسان، و یا بلقیس و صنعانسان

 

یادا بیر ماه کنعانسان، سنه اولسون جانیم قوربان

 

منی سن مجنون ائتمیش سن، حیاتدا محزون ائتمیش سن

 

اوزونه مفتون ائتمیش سن، ائدیبسن قلبیمی بریان

 

دئییردیم من سنین یارین؟ کی اولدوم ایندی بیمارین

 

سنین نورانی رخسارین، منی یاندیردی، ای جانان

 

نظامی اولدو بیچاره، ائدیب هجرانین آواره

 

تاپیلمیر دردینه چاره، اولوب جاری گوزوندن قان

 

نظامی